پاور سیکٹر اور ایف بی آر سے کرپشن ختم نہ ہوئی تو ملک کی نا ڈوب سکتی ہے، وزیراعظم

بجلی کے بحران پر قابو پانے کے لیے ہماری کوششیں جاری ہیں، شہبازشریف کا وفاقی کابینہ کے اجلاس سے خطاب

اسلام آباد(تہذیب ڈیجیٹل میڈیا) وزیراعظم شہباز شریف نے کہا ہے کہ پاور سیکٹر اور ایف بی آر کو کرپشن سے پاک کرنا ہوگا اگر یہ دونوں ادارے ٹھیک نہ ہوئے تو ملک کی نا ڈوب سکتی ہے۔وفاقی کابینہ کے اجلاس میں بات کرتے ہوئے انہوں ںے کہا کہ بجلی کے بحران پر قابو پانے کے لیے ہماری کوششیں جاری ہیں، نواز شریف کے دور میں بجلی کے منصوبے لگانے پر کام شروع کیا گیا اور حکومت نے ایل این جی کے چار پلانٹس لگائے جو کہ سستے ترین پلانٹس تھے اور ان پلانٹس سے پانچ ہزار میگا واٹ بجلی پیدا ہوتی ہے۔ان کا کہنا تھا کہ بجلی کے معاملے پر سیاست درحقیقت عوامی مینڈیٹ کی توہین ہے اس بحران کو حل کرنا ہماری اتحادی حکومت کا اہم ترین ایجنڈا ہے ہماری وزارتوں کو مشترکہ طور پر عوام کو بریفنگ دی جانی چاہیے کہ اس بحران کے خاتمے کے لیے حکومت نے کیا کیا اقدامات اٹھائے ہیں جب کہ سیکڑوں ڈیم بنانے کے دعوے داروں نے ایک بھی ڈیم نہیں بنایا باتیں کرنا بہت آسان ہے اور کام کرنا بہت مشکل ہے۔وزیراعظم نے مزید کہا کہ پاور سیکٹر اور ایف بی آر کو کرپشن سے پاک کرنا ہوگا اگر یہ دونوں ادارے ٹھیک نہ ہوئے تو ملک کی نا ڈوب سکتی ہے۔روزنامہ تہذیب نیوزگوجرخان،جمعتہ المبارک02اگست2024